Posts

வாழ்த்துகள்வாழ்த்துக்கள்
எது சரி? வாழ்த்துகள்தான் தமிழ் இலக்கணப்படி சரி. தொன்றுதொட்டு என்னும் வழக்கில் வாழ்த்துகள்வாழ்த்துக்களாய் ஆகின்றது கற்கண்டை கல்கண்டு எழுதி அதையே இதழின் தலைப்பாகவே வைத்தார் தமிழ்வாணன் இன்னும் பாற்கடல் பால்கடல் என்றும் எழுதப்படுகிறது இலக்கணப்படி பிழையானவை புழக்கத்தின் படி பயன்பாட்டில் வந்துவிடுகின்றன. இவைபோல் பல சொற்கள் இருப்பதைக் காண்கிறேன். பெரும் எழுத்தாளர்களும் கவிஞர்களும் எழுதுவதைக் காண்கிறேன் அவை என்பதை அவைகள் என்று சிலர் எழுதப்பார்த்திருக்கிறேன் அவையளுக்கு என்ன தெரியும்? - இது இலங்கைத் தமிழர்களின் அன்றாடப் புழக்கச் சொற்றொடர் நாம் பரவாயில்லை ஏதோ கொஞ்சம் இலக்கணம் கற்றோம். இன்று பள்ளிகளில் தமிழே இல்லாமல் ஒழிந்துபோக ஆவன செய்கிறார்கள் ஆங்கிலம் + பாலர் பள்ளியில் தமிழ் பின் ஆங்கிலம் + இந்திதானாம் ஆறாம் வகுப்பிலிருந்து யாருக்காவது தப்பும் தவறுமாக எழுதவாவது தமிழ் தெரியப்போகிறதா???? அன்புடன் புகாரி
கனடாவில் ஒவ்வொரு அக்டோபர் மாதமும் இஸ்லாமிய மரபு மாதமாக அறிவிக்கப்பட்டுள்ளது ஒவ்வொரு நவம்பர் மாதமும் இந்து மரபு மாதமாக அறிவிக்கப்பட்டுள்ளது ஒவ்வொரு டிசம்பர் மாதமும் கிருத்துவ மரபு மாதமாக அறிவிக்கப்பட்டுள்ளது ஒவ்வொரு ஜனவரி மாதமும் தமிழ் மரபு மாதமாக அறிவிக்கப்பட்டுள்ளது கனடாவின் சிறப்பேன் சிறப்பு October Islamic Heritage Month
November Hindu Heritage Month
December Christian Heritage Month
January Tamil Heritage Month
Canada is great அன்புடன் புகாரி
கெந்திக் கெந்தி நடந்து
அந்த இந்தி வருது

வீறுநடைத் தமிழை
உன்
தாய்மொழியாய்க் கொண்ட
வெற்றித் தமிழா

அண்ணா உடைத்தனுப்பிய
ஒற்றைக் கால் ஊனம்
போதாதுபோலும்

கெந்திக் கெந்தி நடந்து
அந்த இந்தி வருது
மீண்டும்

அதன்
இன்னொரு காலையும்
உடைத்தெறி

இனி ஒருபோதும்
தமிழ்நாட்டின் எல்லைதொட
துளி எலும்புமின்றி
நொறுங்கட்டும்

குச்சி ஊன்றும்
கிழடுகள்போலவும்
கொடிபற்றித் தொங்கும்
குரங்குகள் போலவும்
காணும்
எழுத்துருக்கள் கொண்ட
கெந்துநடை இந்திக்கு
எழும்பவும் முடியா
தொட்டில் பதவி தந்து
காத்து நில் தமிழா
நம்
தாய்த் தமிழை

அன்புடன் புகாரி




இயற்கையோடு இயைந்து வாழும் வாழ்க்கையைக் கொஞ்சம் கொஞ்சமாக நாம் இழந்துகொண்டே வந்திருக்கிறோம். வருகிறோம். குறிப்பாக சமீபகாலமாக வெகு வேகமாக இழந்திருக்கிறோம் முப்பது ஆண்டுகளுக்கு முன் வாழ்ந்த வாழ்க்கையோடு இன்றைய வாழ்வை ஒப்பிட்டால் தலை சுற்றுகிறது உண்ணும் உணவு பொய் உடுத்தும் உடை பொய் காணும் காட்சி பொய் கேட்கும் குரல் பொய் ஆளும் ஆட்சி பொய் என்று எங்கும் எதிலும் பொய்மை நிரம்பி வழிகிறது அன்றெல்லாம் ஒரு பத்திரிகையில் செய்தி ஒன்று வருகிறது என்றால் நாம் அதை அப்படியே நம்புவோம். இன்று நம்பமுடிவதில்லை வீடியோக்கள் எல்லாம் உருவாக்கப்பட்டவையாகவே இருக்கின்றன. எல்லோரும் கைதேர்ந்த பொய்யர்களாய் ஆகிவிட்டார்கள். மனிதன் பாதி எந்திரம் பாதி என்று ஒரு ஸ்மார்ட்போன் இல்லாதவன் மனிதனாகவே இல்லை இன்று மனதும் மூளையும் கையடக்க ஸ்மார்ட்போனில் இருக்கிறது மனிதனிடம் இல்லை நான் என்ன சிந்திக்க வேண்டும் நீ என்ன சிந்திக்க வேண்டும் என்று கார்ப்பரேட் நிறுவனங்களே முடிவு செய்கின்றன. நாம் எல்லோரும் தஞ்சாவூர் தலையாட்டி பொம்மைகளாய் ஆனோம் நாளை? நீயும் எந்திரம்
நானும் எந்திரம்
நினைத்துப் பார்த்தால்
எல்லாம் எந்திரம் அன்புடன் புகாரி
பிறந்தநாள் வாழ்த்துக்கள்

நெஞ்சினில் பொன்னும் நாவினில் முத்தும்
நிறைந்தச் சின்னவனே - விண்ணை
விஞ்சிடும் பேரொளி பொன்நிலாக் கண்களில்
விளைந்திடும் பூமகனே

எல்லாம் வல்ல இறையருள் ஓங்க
ஏற்றமே வாழ்வாக  - இன்பம்
பிறந்த இந்நாள் இன்னும் இனிதாய்ப்
பிறந்திட வாழ்த்துகின்றேன்

இன்பம் மலரும் பிறந்தநாள்
என்றும் வளரும் பிறந்தநாள்
அன்பில் மிளிரும் பிறந்தநாள்
உள்ளம் குளிரும் பிறந்தநாள்

கண்ணில் ஒளிரும் பிறந்தநாள்
எண்ணம் மணக்கும் பிறந்தநாள்
அன்னை மகிழும் பிறந்தநாள்
தந்தை நெகிழும் பிறந்தநாள்

கண்கள் சிரிக்கும் பிறந்தநாள்
கைகள் அணைக்கும் பிறந்தநாள்
உள்ளம் சிலிர்க்கும் பிறந்தநாள்
உயிரை நிறைக்கும் பிறந்தநாள்

கைகள் ஏந்தும் பிறந்தநாள்
கருணை கேட்கும் பிறந்தநாள்
இன்பம் வழங்கும் பிறந்தநாள்
இறைவன் அருளும் பிறந்தநாள்

ஆண்டுகள் ஆயிரம் உருண்டோட
மீண்டும் மீண்டும் இவ்வினியநாள்
வேண்டும் சுகமுடன் மலரட்டும்

பொன் மகனே வாழ்க
பசுந் தளிரே வாழ்க
மனம் நிறைந்தே வாழ்க
தினம் சிரித்தே வாழ்க

லாஸ் வேகாஸ் துப்பாக்கி பாட்டுக்கேட்க வந்தவர்கள்
பாடையில போனார்கள் பத்துப்பெட்டிகளில்
சிறிதும் பெரிதுமாய்
துப்பாக்கிகளையும்
குண்டுகளையும்
தீபாவளி பட்டாசை
தெருமுனை கடையில்
வாங்குவதைப்போல
வாங்கிக் குவித்திருந்தான்
கொலைகாரன் மிஸ்டர் பட்டாக் அமெரிக்காவில்
தக்காளி வாங்குவதுகூட
சிரமமானதாய் இருக்கலாம்
துப்பாக்கி வாங்குவது
எளிதிலும் எளிது துப்பாக்கிக் கலாச்சாரத்தில்
கைவைத்தால்
பிரசிடெண்ட் வேலைதேடி
வெளிநாட்டுக்குப் போகவேண்டியதுதான்
அதுதான் அமெரிக்கா? நம்ம நாட்டுல
சாதியை ஒழிக்கமுடியுமா
சொல்லுங்க? துப்பாக்கி இங்கே
சாதியைவிட அழுத்தமானது வெத்துவேட்டு ஐ எஸ் ஐ எஸ்
நான்தான் நான்தான் என்று
யாருடைய விந்துக்கோ
சொந்தம் கொண்டாடப் பாக்குது எஃ
ப்பிஐ சொல்லிட்டான்
சும்மா இருடா சோம்பேறி
என்று சுட்டவன் சுத்தமானவனாத்தான்
அதுவரை வாழ்ந்திருக்கான்
இப்ப என்ன கேடுன்னுதான்
எவனுக்குமே தெரியல இவனைப் பெத்தவனாவது
சித்துமுத்து வேலை செய்து
சிறையில கிடந்திருக்கான் எப்படியோ
பாட்டுக்கேட்க வந்தவர்கள்
பாடையில போனார்கள் வேட்டுச்சத்தம் கேட்காத
நாளிருக்கா அமெரிக்காவில்
ஆனாலும் இது
அத்தனைக்கும் மேலதான் அஞ்சலிகள்
ஆயுள் முடிந்தவர்களுக்கும்
அடிபட்டுக் கிடப்பவர்க்கும் அன்பு…
இள மனதில் பதியும் சில நம்பிக்கைகளுக்குப் பொருள் கிடையாது பொருள் புரியும்போது முதிர்ச்சியின் வருகையால் ஓர் அமைதி வந்து ஒட்டிக்கொள்ளும் புன்னகை மிளிரும்
Image
பிக்க் பாஸ்ஸ் நிகழ்ச்சி நேற்று முடிவடைந்தது கலந்துகொண்டவர்கள் நடிகர்கள்
நடத்தியவர் நடிகர்
ஆனால் நடிப்பே இல்லாத உண்மை நிகழ்ச்சி
என்று கூறுகிறார்கள் ;-) பிக்க் பாஸ்ஸ் மேடையைப் பயன்படுத்திக்கொண்டு
கமல் அரசியலுக்கு வருகிறேன் என்று
வெளிப்படையாகவே சொல்லிவிட்டார் காவிக்குள் கருப்பு அடக்கம் என்று சொன்னதுதான்
புரியவே இல்லை
உள்வாங்கிக்கொள்ளவும் முடியவே இல்லை நடிகர்களும் அரசியலுக்கு வரலாம்
அதில் ஏதும் பிழையே இல்லை எத்தனையோ நடிகர்கள் அரசியலுக்குள் வந்திருக்கிறார்கள்
எல்லோரும் வெற்றிபெற்றதில்லை நாம் எதைத் தேர்ந்தெடுக்கிறோம்
என்பதில்தான் வெற்றி இருக்கிறது தமிழ் மொழிக்கும் தமிழினத்திற்கும்
எதிரான எதையும் கையில் எடுத்துக்கொண்டு
தமிழ்நாட்டில் வெற்றிபெற முடியவே முடியாது கமல் எனக்கு மிகவும் பிடித்த நடிகர்
மாற்றுக்கருத்தே இல்லை அரசியலிலும் அவரைப் பிடிக்க
வாய்ப்புகள் நிறைய இருப்பதாய் நினைத்தேன்
நிறைய மாற்றுக் கருத்துக்கள் கிளம்புகின்றன அன்புடன் புகாரி
போர் மூடர்களின் கூடம் மூர்க்கர்களின் தடாகம் பிணங்களின் கடைசி வேடம் பேரதிக விலைகொண்ட பாடம்
குற்றம் ஒருபோதும் 
பாதுகாப்பாகாது
இன்னொரு 
பெரிய குற்றத்திற்கான 
வேராகவே 
அது வளரும்
கைகள்
வேட்டிக்குள்ளேயே
வந்துவிட்டன தமிழன் இன்னும் 
விழித்துக்கொள்வதாய்
இல்லை அவன்
ஒரு சோம்பேறி மயக்கத்தில்
சுருண்டு கிடக்கிறான் மானம் பறிபோகிறது
என்ன செய்ய முடியும் என்கிறான் மரியாதை பறிபோகிறது
மாற்றமுடியுமா என்கிறான் வீட்டுக்கூரை பிரிக்கப்படுகிறது
காற்றாய் இருக்கும் என்று
சமாதானம் கொள்கிறான் அவனின்
அத்தனை நிறங்களும்
கழுவப்படுகின்றன
குளிப்பதாக நினைத்துக்கொள்கிறான் ஒற்றை அடையாளமும்
மீதமின்றி தீய்க்கப்படுகிறது
தான் யார் என்று தெரியாமல்
சோதிடனிடம் நிற்கிறான் முகவரி
முற்றாகக் கிழிக்கப்படுகிறது
நடுவீதியில் நிற்கிறான் சேரனையும் காணவில்லை
சோழனையும் காணவில்லை
பாண்டியனையும் காணவில்லை
பனியன் சட்டையில்
ஒரு பரதேசி மட்டுமே தெரிகிறான் பெரியாரும் வரவில்லை
அண்ணாவும் வரவில்லை
வந்தாலும்
இவன் கண்ணுக்குத்
தெரியவுமில்லை முகமற்றவன்
முகநூலில்
லைக் போட்டுக்கொண்டிருக்கிறான் ’தமிழ் வாழ்க’
எங்கோ கேட்டதுபோலிருக்கிறதே
என்று
தெருமுனை
பான் பராக் கடையில்
ஏ கியா ஹை என்று
விசாரிக்கிறான்
மறத்தமிழன் அன்புடன் புகாரி
இது இந்துஸ்தான்
இதில் இந்துக்கள் மட்டுமே
வாழ வேண்டும் இது இந்துக்களின் நாடு 
இதில் இந்தி மட்டுமே
பேச வேண்டும் மத்திய அரசின் எல்லா திட்டங்களின் பின்னணியிலும் எல்லா செயல்பாட்டின் வேரிலும் இதுதான் இருக்கிறது இதைப் பெற எதையும் அழிப்போம் அத்தனை உயர் மொழிகளையும் அழிப்போம் அத்தனை கலாச்சாரங்களையும் புதைப்போம் எதை உயர்வு உயர்வு என்று இந்த உலகம் கண்டதோ அதைக் கண்டதுண்டமாக வெட்டியெறிவோம் அடடா...
எப்படி இருந்த இந்தியா
இன்று இப்படி ஆகிக்கொண்டிருக்கிறதே! அன்புடன் புகாரி
தமிழன்
தூங்கிக்கொண்டிருக்கிறான் தமிழ்நாடு
களவாடப்பட்டுக்கொண்டிருக்கிறது தமிழின் கழுத்து
நெறிக்கப்பட்டுக்கொண்டிருக்கிறது தமிழனின் கலாச்சாரம்
சூரையாடப்பட்டுக்கொண்டிருக்கிறது தமிழனின் அடையாளங்கள்
அழிக்கப்பட்டுக்கொண்டிருக்கின்றன தமிழனின் உயர்வு
தரைமட்டமாக்கப்பட்டுக்கொண்டிருக்கின்றன அன்புடன் புகாரி
மனிதர்களுள் பிறப்பால் ஏற்றத்தாழ்வுகள் இருப்பது சரியா? மனிதர்களுள் கல்வி செல்வம் காரணமாக வேறுபாடுகள் இருக்கும். அது மாறிக்கொண்டே வரும். ஒரே வீட்டிலேயே ஒருவன் டாக்டராவான் இன்னொருவன் கூலித் தொழிலாளியாவான். ஆனால் அடுத்த சுற்றில் டாக்டர் மகன் பலசரக்கு வியாபாரியாகக் கூடும் கூலித் தொழிலாளியின் மகன் மந்திரியாகக் கூடும். ஒருவனின் பிறப்பால் ஏற்றத் தாழ்வுகளைக் கற்பிக்கும் சாதி என்பது அப்படியா? ஒருவன் பிறப்பைக் கொண்டு மேலானவனாகவோ கீழானவனாகவோ ஆகிறான். தீண்டாமையால் வாழ்நாள் முழுவதும் தீய்கிறான். இதில் ஏதும் நியாயம் உண்டா? தர்மம் உண்டா? அறம் உண்டா? மனிதம் வாழ வழியுண்டா? அன்புடன் புகாரி
மதத்தை எப்போது வேண்டுமானாலும் யார் வேண்டுமானாலும் எப்படிவேண்டுமானாலும் மாற்றிக்கொள்ளலாம். சாதியை மாற்றமுடியுமா? கிருத்தவர்கள் இஸ்லாமியர்கள் போன்றே இந்துக்களும். ஆனால் இந்துக்களில் சாதி இருப்பதால் யாரும் இந்துமதத்துக்குள் நுழையவே முடியாது. நுழைந்தால் எந்த யாதியும் எந்தப் புதியவரையும் ஏற்றுக்கொள்ளாது - குறிப்பாக மேல்சாதி. இதுபற்றி அனைவரும் சிந்திக்க வேண்டும். ஆரியர்களின் வருகையின் பின்னரே தமிழர்களுக்கு இந்துமதம் வந்தது. இப்படியாய் ஒவ்வொரு காலகட்டத்தில் ஒவ்வொரு மதமும் வந்தது. காலகட்டம்தான் வேறே தவிர எல்லோரும் மதம் மாறியவர்களே! அதில் பிழையில்லை. இன்றும் மாறலாம். என்றும் மாறலாம். ஏனெனில் மதம் என்பது ஒரு வாழ்க்கை நெறி. ஜாதி என்பது வாழ்க்கை நெறியல்ல. பிரிவினை விதி. நீ மேலானவன் அவன் கீழானவன் என்று மனிதனை மனிதனே தாழ்த்தும் கேடுகெட்ட செயல். ஜாதியை ஒழிக்காமல் மனிதநேயம் மலரவே முடியாது. ஏனெனில் ஏற்றத் தாழ்வுகளை ஒழிக்காமல் எப்படி மனித நேயம் வளர முடியும். முடிவெடுத்து முடித்துக்கொள்ளுங்கள் ஜாதியை! அன்புடன் புகாரி
சிலருக்குப் புகழ்ந்து தரப்பட்ட பட்டங்களும் பின்னாளில் சாதியானது. அது அந்தக் காலம். இந்தக் காலத்தில்...
கலைஞர் என்று ஒரு சாதி வரமுடியாது.
உலகநாயகன் என்று ஒரு சாதி வரமுடியாது
இசைப்புயல் என்று ஒரு சாதி வரமுடியாது ஏனெனில் இன்று அறிவு வளர்ந்தவர்களே அதிகம். ஆனாலும் பழயனவற்றை மனரீதியாகப் பற்றிக்கொண்டு எப்படி விடுவது என்று அறியாமல் தவிக்கிறார்கள். அன்புடன் புகாரி
முகம் மூடி அகம் திறப்பவர்கள் * முகமூடிகளாய் வந்து, இணையத்தில் புகுந்து விளையாடுபவர்களைக் கண்டிருக்கிறேன்.
எனக்குள்ளும் பலர் இருக்கிறார்கள். ஆனால் அந்த பலரின் முகத்தையும் நான் பொதுவில் காட்டவே விரும்புகிறேன். அதுதானே நான்?
என்னை அன்புடையோனாகப் பார்ப்பவர்கள் அன்புடன் நிர்வாகியாகப் பார்ப்பவர்கள் கருணையுடையோனாகப் பார்ப்பவர்கள் பலவும் எழுதும் கவிஞனாகப் பார்ப்பவர்கள் காதல் கவிஞனாக பார்ப்பவர்கள் தமிழ்ப் பற்றாளனாகப் பார்ப்பவர்கள் கருத்தாடலில் வியப்போடு பார்ப்பவர்கள் கருத்தாடலில் வெறுப்போடு பார்ப்பவர்கள் தனிமனித கீறலை விரும்பாதவனாகப் பார்ப்பவர்கள் மதங்கள் கடந்த கடவுளையே நேசிப்பவனாகப் பார்ப்பவர்கள்
இப்படியே அடுக்கலாம்.....
ஒவ்வொன்றுக்கும் தனித்தனி முகம் காட்டி நான் நிற்கலாம்தான். ஆனால் இவை அனைத்தின் கலவைதானே உண்மையான நான்?
என் நிஜமுகத்தோடு, அது எத்தனை அழகாயிருந்தாலும் சரி எத்தனை அசிங்கமாக இருந்தாலும் சரி, என்னைக் காட்டிக்கொள்வதுதானே சரி.
செந்தமிழ்ப் பள்ளிக்கூடங்கள் என்று இந்தியா முழுவதும் அனைத்தும் இலவசமாகக் கொண்ட பள்ளிகள் தொடங்க வேண்டும் இந்திய அரசு. ஓர் உயர்வான மொழியை
பழம்பெரும் மொழியை
வாழ்வியல் மொழியை 
செம்மொழியை பல
மொழிகளுக்குத் தாயான மொழியைப்
போற்றிப் பாதுகாக்கும் பெருமையும் சிறப்பும் கிட்டும் அன்புடன் புகாரி
இது
தமிழ்நாடு
தமிழின் நாடு
தமிழனின் நாடு இங்கே வேண்டாம் இந்தி திணிக்கும்
நவோதய வித்யாலயா பள்ளியின் பெயரிலேயே இத்தனை இந்தித் திணிப்பா? அன்புடன் புகாரி
தமிழ்நாடு தனிநாடாவதை மத்திய அரசு கட்டாயப்படுத்துகிறது அன்புடன் புகாரி